جمعة رحيل الغضب
فى البداية انا كنت اتمنى انى الاقى اى حد كتب فى الموضوع اللى اكيد شاغلنا كلنا ومش عارفين هينتهى على ايه ، لكن انا بدعى ربنا يهدينا للصواب و ان يحمينا ويغفر لنا ذنوبنا وينصرنا على القوم الظالمين يارب تعدى علينا الايام دى بخير .
يا جماعة ده الوقت اللى احنا لازم نتحد فيه مع بعضنا وتكون كلمتنا واحدة ، ولازم نفكر فى بلادنا واهالينا وازاى اننا لازم نتبع أولى الامر منا انا نفسى اقول رأى بصراحة انا مع الاستقرار والامان لانى فعلا حسيت ايه معنى ان الواحد يكون قاعد فى بيته اونايم وحاسس انه مطمن وان فى حد صاحى بيسهر علشان يحميه بعد حماية ربنا فالحافظ هو الله لكن بجد اليومين اللى انا عشتهم حقيقى عرفونى حجات كتير وفهمونى معانى اكتر مكنتش مهتمة بيها.
انا مش هحكيلكم الحكاية لانى عارفة ان كل واحد عارفها بس هقولكم ان افظع احساس وانا بأكد على كلمة أفظع لانى بصراحة ملقتش كلمة اكتر من كده تعبر عن الاحساس اللى عيشته وهو متتخيلوش انى كنت قاعدة فى بيتنا وحاسه فعلا ان حد هيجى يهاجم اخواتى وجيرانى من البلطجية و الهاربين من السجون وانى مش قادرة اغمض عينى وانام وانا قلقانة على بابا واخواتى اللى قاعدين تحت فى الشارع علشان يحموا الستات والبنات الموجودين فى العمارة وللاسف ده كان فىكل العمارات والابراج اللى جنبنا وكان كل مايعدى يوم ادعى يارب تعدى الازمة دى على خير ولكن انا كنت بمووووت لما بسمع اى صوت ضرب او صراخ فى الشارع وبعديها والله العظيم اكتشف انهم مره قبضوا على شوية شباب بلطجية على موتوسكلات كانوا عايزين يسرقوا المحلات اوالبيوت ومره يقبضوا على واحدة سايقة عربية ملاكى من غير ارقام وانهم لقوا فى شنطة العربية "ذخيرة حية" وكانت مهرباها وكل يوم يلاقوا حاجة جديدة وبطريقة مختلفة .
على فكرة انا جنبى بكام شارع الامن المركزى اللى بصراحة هو اللى كان بيساعد اللجان الشعبية اللى الناس من اى فئة كانت عملاها وكمان انا ساكنه فى منطقة من ارقى المناطق اللى فى المنيا ، لكن بالرغم من كده الا انى والله العظيم الحاجات اللى قلتها حصلت على مرأى ومسمع منى .
فى النهاية انا نفسى مصر ترجع تانى لاستقرارها وياريت كنت اقدر اوصل صوتى لاى حد في ميدان التحرير اللى بجد بقى فعلا مليان بالاجانب والعرب اللى عايزين فعلا يدمروا مصر وقدروا انهم يستولوا على عقول الشباب الغبى فعلا اللى سمع لهم او حس لاى لحظة انهم ممكن يساعدوهم .
انا بجد نفسى اى حد يدخل يكتب فى الموضوع ويقول رأيه لانى انا بصراحة كان نفسى حد يسمعنى واتمنى ان كلنا نشارك فى الموضوع ده حتى ولو بالكتابة .
وياريت كلنا ندعى انها تكون جمعة رحيل الدم والغضب "آمين يا رب"
يا جماعة ده الوقت اللى احنا لازم نتحد فيه مع بعضنا وتكون كلمتنا واحدة ، ولازم نفكر فى بلادنا واهالينا وازاى اننا لازم نتبع أولى الامر منا انا نفسى اقول رأى بصراحة انا مع الاستقرار والامان لانى فعلا حسيت ايه معنى ان الواحد يكون قاعد فى بيته اونايم وحاسس انه مطمن وان فى حد صاحى بيسهر علشان يحميه بعد حماية ربنا فالحافظ هو الله لكن بجد اليومين اللى انا عشتهم حقيقى عرفونى حجات كتير وفهمونى معانى اكتر مكنتش مهتمة بيها.
انا مش هحكيلكم الحكاية لانى عارفة ان كل واحد عارفها بس هقولكم ان افظع احساس وانا بأكد على كلمة أفظع لانى بصراحة ملقتش كلمة اكتر من كده تعبر عن الاحساس اللى عيشته وهو متتخيلوش انى كنت قاعدة فى بيتنا وحاسه فعلا ان حد هيجى يهاجم اخواتى وجيرانى من البلطجية و الهاربين من السجون وانى مش قادرة اغمض عينى وانام وانا قلقانة على بابا واخواتى اللى قاعدين تحت فى الشارع علشان يحموا الستات والبنات الموجودين فى العمارة وللاسف ده كان فىكل العمارات والابراج اللى جنبنا وكان كل مايعدى يوم ادعى يارب تعدى الازمة دى على خير ولكن انا كنت بمووووت لما بسمع اى صوت ضرب او صراخ فى الشارع وبعديها والله العظيم اكتشف انهم مره قبضوا على شوية شباب بلطجية على موتوسكلات كانوا عايزين يسرقوا المحلات اوالبيوت ومره يقبضوا على واحدة سايقة عربية ملاكى من غير ارقام وانهم لقوا فى شنطة العربية "ذخيرة حية" وكانت مهرباها وكل يوم يلاقوا حاجة جديدة وبطريقة مختلفة .
على فكرة انا جنبى بكام شارع الامن المركزى اللى بصراحة هو اللى كان بيساعد اللجان الشعبية اللى الناس من اى فئة كانت عملاها وكمان انا ساكنه فى منطقة من ارقى المناطق اللى فى المنيا ، لكن بالرغم من كده الا انى والله العظيم الحاجات اللى قلتها حصلت على مرأى ومسمع منى .
فى النهاية انا نفسى مصر ترجع تانى لاستقرارها وياريت كنت اقدر اوصل صوتى لاى حد في ميدان التحرير اللى بجد بقى فعلا مليان بالاجانب والعرب اللى عايزين فعلا يدمروا مصر وقدروا انهم يستولوا على عقول الشباب الغبى فعلا اللى سمع لهم او حس لاى لحظة انهم ممكن يساعدوهم .
انا بجد نفسى اى حد يدخل يكتب فى الموضوع ويقول رأيه لانى انا بصراحة كان نفسى حد يسمعنى واتمنى ان كلنا نشارك فى الموضوع ده حتى ولو بالكتابة .
وياريت كلنا ندعى انها تكون جمعة رحيل الدم والغضب "آمين يا رب"
