سنة...... أولى

وأنا داخل سنة اولى وفرحان ............قلت هشوف من الناس الوان
وأساتذة ومعيدين جدعان .............هتعلم وأخرج وأتخلص من عفريت أسمة الادمان
للقهوة وللشاى ومذاكرة ...................وضغط دروس وضمير تعبان
عاوز أخلص عاوز أراجع قبل ميعاد الامتحان........ثانوية وكشكول والازرق هو الزي طول العام
عدت سنة ورا سنة ونجحنا وبسرعة بقينا فى دة المكان
مين ؟فين؟ أحنادى حاجة بعيدة عن الاحلام كنت بشوفك فى الافلام وأتمنى يكون بينا سلام
بقى بالسرعة دى أصبح أملى واقع مش طير فى الحلام
لما أدخل سنة أولى وأشوف التعليم غير المألوف فى الجامعة ووسط الاصحاب
!!!ودخلت
ولقيتنى فى قاعة كبيرة قعدت وأساتذة بتدخل وبتخرج والمفروض أن انا فهمت
كانت صدمة كبيرة عليا لما قابلتنى الكلية بحجات كتيرة غريبة عليا وقيم معاكسة وفتنة قوية
بس حقيقى أنا أتعلمت شفت حجات كتير وعرفت
ان الناس أشكال وألوان فيهم أللى يخاف من ربة واللى عايش عن كدة غفلان
شفت نماذج ناجحة وقدرت تكسر صنم اليأس وتصعد فوق القمة وتحطم كل القطبان
شفت بنات وولاد يستاهلو تكون بصمتهم بالالوان
ناس كتبت فى الدنيا سطور حجزتلها فى الجنة مكان
تركت بصمة وذكرى تخلد مهما تعدى سنين وأيام