رسالة شوق

سلام عليكم ازيكو كلكو وحشتنى المدونه موت وكمان الكليه نفسى ارجع تانى رغم اللى بيتعمل فينا من الناس اللى انتو عارفنهم بس والله كلكم وحشتونى جدا ومعلش مش بشارك معاكو كنت مشغولة شوية بالفيس بوك طبعا انتو عارفين المشتركين الجداد فيه بيدمنوا حاجه اسمه الفيس وطبعا احداث الثوره شاغلتنى كتير وعايزه اقول انى سعيده جدا لا الورد البلدى اللى فتح فى جانين مصر العالم كله بقا بيتفرج عليه ومبهور باللى بيعمله المصرين فعلا الجندى المصرى خير اجناد الارض ومتقلقوش مصر هترجع احسن من الاول ومش عارفة اقول غير انى متفائلة بعد الحب اللى شفته فى مصر بين كل الناس والطوائف والجماعه بتوع الحزب الوطنى يروحوا يشوفوا حاجه يعملوها غير السياسة وهما طبعا عارفين يعملوا ايه بس طلب صغير ياريت كل واحد يحاول يبدا التغير من نفسه اولا عشان نغير المجتمع من حولنا معلش طولت عليكو بس قلبى مليان كلام ومع الفرحة حزن على الشهداء بس هما ان شاء اله فى الجنة .